Góð ráð fyrir opið hús og eða ljósmyndun
Almennur undirbúningur
Dragið frá allar gardínur til þess að fá sem mesta náttúrulega birtu inn í eignina.
Kveikið öll ljós í íbúðinni og athugið hvort allar ljósaperur virki.
Ef gæludýr eru á heimilinu þarf að fjarlægja allt sem tengist gæludýrinu.
Gólfmottur geta minnkað rými á mynd, því er stundum betra að fjarlægja þær á meðan á myndatöku stendur.
Snúrur geta gert fallega mynd að lélegri mynd, því er mikilvægt að fjarlægja þær snúrur sem mögulega mega fara.
Reynið að hafa færri hluti frekar en fleiri hluti í íbúðinni, vegna þess að eftir því sem hlutirnir eru fleiri, því minni virkar íbúðin.
Eldhús
Fjarlægja allt ofan af efri skápum.
Við miðum við að ekki séu fleiri en 3-5 hlutir í heild á borðum í eldhúsinu.
Hafið ísskápshurðina hreina og enga hluti á henni s.s. segul eða pappír.
Hafið girnilega ávexti í skál, því þeir gera eldhúsmyndina betri.
Verið búin að vaska upp og fjarlægið allt sem tengist uppvaskinu.
Passið að það séu ekki reikningar, pappírar eða dagblaðabunkar í eldhúsinu.
Stofa
Ekki er gott að vera með of mikið af hlutum eða húsgögnum í stofunni þar sem það minnkar rýmið og gerir ljósmyndaranum erfiðara fyrir að taka góðar myndir.
Kveikið á kertum og ef arinn er til staðar, gerið hann þá tilbúinn.
Fersk blóm í vasa geta gert myndina í stofunni ennþá betri.
Fjarlægið allar fjarstýringar og hafið slökkt á sjónvarpinu.
Raðið bókum snyrtilega í hillur.
Baðherbergi
Verið ekki með of mikið af hlutum á baðherberginu.
Fjarlægja öll tannkrem, tannbursta, sápur og sjampó. Bæði í kringum vaskinn, úr hillum, baðinu og/eða í sturtunni.
Það er í lagi að hafa 2-3 falleg ilmvatnsglös.
Fjarlægið allt af gólfinu, klósettburstann, hreinsiefni, taukörfu, baðvigt o.þ.h.
Hafið kerti inni á baði eða jafnvel litla pottaplöntu.
Svefnherbergi
Búið fallega um rúmið helst með rúmteppi.
Fjarlægið föt, náttsloppa og leikföng.
Ef skápurinn nær ekki upp í loft, þá þarf að taka allt ofan af honum.
Húsið að utan
Það er æskilegt að fjarlæga leikföng og garðáhöld.
Betra er að engir bílar séu í bílastæðinu.
Sláið grasið og snyrtið beðin ef þess þarf.
Mokið snjó úr innkeyrslunni og af svölum.
Þurrkið af garðhúsgögnum og raðið þeim snyrtilega upp.